khwahishein

Dil ke kareeb kuch khwahishon ne gungunaya.

Mitti ko boondon ki khwahish.
Raaste ko manzil ki ...
Surang ko ek kan roshni ki ...
Shabdon ko Sihayi ki ...
Saahare ko kandhon ki ...
Doobte ko tinke ki ...
Zameen ko Kadmon ki...
Dharti ko aasman ki ...
Raftaar ko thehrav ki ...
Haar ko jeet ki ...
Honsle ko chattan ki ...
Aansoon ko muskaan ki ...
Amaawas ko chaand ki ...
Bhookhe ko bhagwaan ki ...
Kaanon ko azaan ki ...
Anth ko shruwaat ki ...

Aapki, humari, hum sabki,
... haazaron khwahishein aisi.

Copyright © Santosh K

kaash

anmol

Kaun aakega humaare jeevan ka mol.
Kya hai maa ki muskrahat ka mol.
Papa ki woh halki hansi jiske liye saara jag loota doon.

Kya hai mol mere badi bahen ke aansooan ka,
Jab woh apne nam aankhon se mujhe rakhi bandhti hai.

Kya koi tol paya hai aashaoan ka mol.
Mere chote bhai ke doctor banne ka sapna.
Mere dada-dadi ke bhavnaon ka mol.

Sabka mere jeevan main ek aaham mol hai,
Kyunki jeevan mai weh hi mere sabse anmol hai.

Copyright © Santosh K

thoda kam

Aasman ki oonchai kuch kam lagti hai.
Perron ke neeche ki zameen kuch kam lagti hai.
Sagar ki gahraai kuch kam lagti hai.
Pawan ki tivratta kuch kam lagti hai.

Par apno ka ho saath gar,
Toh zindagi ki chunottiyan kuch kam lagti hai.

Copyright © Santosh K

bikhri yaadein

Raah mein chalte huaye, kuch umeedon ko bikhra paya.
Yaadon ka paani, meri aankhon mein samaya.

Kuch maa ki prathana, kuch babuji ke sapne,
Kuch bhai ki khwahishein, aur kuch, khud ke armaan.

Oas ki boondon ki tarah, zindagi lagne lagi hai mujhe halki.
Khud pe hai bharonsa aur mushkilen lagne lagi hain mujhe halki.

Rok nahin sakta hai koi meri icchaon ki tej leharon ko,
Dekhna hai mujhe aasmaan ke aage ka jahan.

Kal se acha hai mera aaj, aaj se behtar hoga mera kal,
Iss vishvaas se…
ek naye sooraj ki taalash mein chala ja raha hoon mein,
Har chote bade armaan ko poora kiye ja raha hoon mein.

Copyright © Santosh K

mithaas

Zindagi ne poocha ek mithaas bhara sawaal.
Kitna aacha hota agar –
Meetha hota sabka dil. Meethi hoti sabki zubaan.
Meethe hote sapne. Meethi sabki muskaan.
Meethi hoti haar, jaise meethi hoti hai jeet.
Meethe hote log aur meetha saara jahan.

Zindagi mein zaroor hai kuch mithaas.
Yaad hai woh pehle pyaar ka ehsaas?
Woh pehli mulakaat.
Exam mein kisi tarah paas hone ki aas.
Teacher ki daant mein bhi tha kuch khaas.
Jaawani ki muskurahat aur doston ki shararat mein – kuch meethi si thi woh baat.

Zindagi ke har khatte mein bhi hai meethe ka kuch swad.
Meethi yaadon se piroya gaya hai zindagi ka har ehsaas.
Kal toh beet gaya, Aaj mein hai kuch khaas.
Kyon na har pal ghole apni aur doosron ki zindagi mein
... kuch mithaas.

Copyright © Santosh K